HUWAG KANG MAIINIS
Tungkulin
natin ang IPALIWANAG LAMANG ang mensahe ng Islam sa abot ng ating makakaya at
nalalaman:
“Kaya’t paalalahanan mo sila, ikaw ay isa lamang tagapagpa-alala. Ikaw ay walang kapangyarihan sa kanila na pilitin sila upang sumampalataya kay Allah.” (QUR’AN Al-Ghashiyah 88:21-22)
HUWAG KANG MAIINIS kapag ang alinmang aspeto sa Islam ay pinupuna o itinatakwil. Tanggapin
man nila ito o hindi, wala na sa atin ang pananagutan.
“Walang
sapilitan sa relihiyon. Sadyang mangingibabaw ang Katotohanan sa kamalian…”
(QUR’AN Al-Baqarah 2:256)
HUWAG KANG MAIINIS sa sinumang kausap na tila sarado ang kaisipan o kaya’y may
pagkapilosopo, MAGING MATIYAGA AT MAPAGPASENSYA, baka siya pa ang tumanggap ng
Islam sa hinaharap. Ang Kaligtasan ay tanging nasa HABAG ng Allah.
“SINUMANG
PATNUBAYAN NG ALLAH AY WALANG MAKAPAGLILIGAW SA KANYA AT SINUMANG NASA LIGAW AY
WALANG MAKAPAG-GAGABAY SA KANYA MALIBAN SA ALLAH”
HUWAG KANG MAIINIS kung hindi mo batid ang lahat ng kasagutan sa anumang katanungan. Ang
isang tao na nagsasabing alam na niya ang lahat ay matatawag pa rin na isang mangmang. Mabuting
sabihin na, “Hindi ko alam iyan, hayaan mo’t itatanong natin iyan sa mga
dalubhasa o sa mas nakakaalam.”
Maging ikaw
man ay isang “Alim” o gaano man kataas ang iyong pinag-aralan o narating sa
buhay, laging suriin ang sarili laban sa pagmamalaki..
“ANG
PAGSASABI NG HINDI KO ALAM AY KALAHATI NG KAALAMAN.” (Abu Dawud).
HUWAG KANG MAIINIS, sa tuwing ika’y nababahala at nawawalan
ng lakas ng loob sa kung ano ang iyong sasabihin. Laging hingin sa Allah na
ika’y tulungan sa iyong mga bibigkasin. Tumawag sa Kanya at manalangin na tulad
ni Propeta Moises na nabanggit sa Banal na Qur’an:
“O aking Panginoon! Buksan Mo sa akin ang aking dibdib, at
gawing magaan sa akin ang aking tungkulin. At luwagan ang buhol sa aking dila
upang maunawaan nila ang aking sasabihin.” (QUR’AN Ta-Ha 20:25-28)
HUWAG KANG MAIINIS, ang maikling “du’aa” na may
pananampalataya ay sapat, kaya ikaw ay magsabi:
رَّبِّ زِدْنِى عِلْمًا
Rabbi zidni ilmaa
…“O Aking Panginoon!
Inyong dagdagan ang aking kaalaman!” (Qur’an Ta-Ha 20:114)
HUWAG KANG MAIINIS, isang payo’t paala-ala sa ating Ummah, una sa aking sarili!!!
“Sino pa ba
ang huhusay sa pananalita ng isang nag-aanyaya tungo sa landas ng Allah,
gumagawa ng mabuti, at nagsasabing tunay na ako’y nabibilang sa mga Muslim.”
(QUR’AN Fussilat 41:33)
“Anyayahan mo
ang sangkatauhan sa Landas ng iyong Panginoon ng may karunungan at mahusay na
talakayan at makatwirang pangangaral, at makipagtalo ka sa kanila sa paraang
pinakamahusay. Katotohanan, ang iyong Panginoon ay Lubos na Nakababatid kung
sino ang napaligaw mula sa Kanyang Landas, at Siya ang Ganap na Nakakaalam kung
sino ang mga napapatnubayan.” (QUR’AN An-Nahl 16:125)
….at si Allah Ang PINAKA-MAALAM, Ang Tigib ng Habag at Karunungan!!!
CTTO: Michael Macapagal
READ MORE POSTS-BACK TO:--->>>HOME
